WETSTENIUS Johannes Rodolfus

WETSTENIUS Johannes Rodolfus

Theologus et Philologus Basiliensis celeberrimus. Natus. A. C. 1614. patre itidem Ioh. Rodolphô, Consule Rei publ. Basil. gravissimô, (qui ob res pro Patria Helvetiaque tota passim, imprimis in pacificatione Osnabrugo-Monasteriensi A. C. 1649. et paulo post, in aula Caesarea, praeclarissime gestae Vindicis libertatis Helveticae elogium emeruit) Professionem Graecam iuvenis admodum A. C. 1637. nactus est; quam Spartam ut felicius exornaret, non contentus multiiugae eruditionis suae conscientiâ, quidquid ubique Eruditorum est Vitorum, adire statuit. Itaque post iter in Galliam, Angliam, Belgium et Germaniam pro votis susceptum et commercium cum Musagetis totius Europae praestantissimis stabilitum, in Patriam redux, Proceribus cum se praebuit, ut a. C. 1643. quidem Organi Aristotelici: A. C. vero 1654. Locorum Communium et Controversiarum Theologicarum Professio ei crederetur; quam mox A. C. 1655. Novi Testameuti provincia excepit, in quâ, magno cum successu, hactenus pervigil versatur. Pater est egregiae et numerosae prolis, in qua eminer maximus natu Filius cognominis natus A. C. 1647. Philologus Latinus Graecusque insignis, Professor Oratoriae lectus A. C. 1673. inde ad Cathedram Theologicam translatus magni Patris ad unguem factus, commerciôque itidem, cum praecipuis

literati Orbis luminibus, post peregrinationem paternae aemalam, inclitus. Eius prodiêre Origenis Dialogus contra Marcionitas cunt Exhortatione ad Martyrium, et Responso Asricani Epistelam, de Historia Susannae. Quae primum e MSS. Codicibus Graece edidit, versiones partim correxit, partim novas achecit; additis Notis, Indicibus, Lectionibu variantibus et Coniecturis, A. C. 1673. Basileae. Idem Venerandum Canonum Conciliorum in Anglia Editorem, Zonarae et Batsamnis commentarios, in Canones Conciliorum, cum Amerbachiano Codice Acad Basil. MS. simnô labord in dustriaque conserendo, plurimum iuvit: ut ex praefatione operi Anglicano praefixaluculeuter patet; Plura sequenscum Deo dabit aeras.

Ingeniô, zelô, meritis, ptetate, sideque,

Natus ut est Patris, sic Pater instar Avi est.